«و اعله الذل ما غمضت عينه »

الرضع من ثدي الكرامه ابگصته عرج الغضب

ينبط و قـط ماهو عربي كلمن ايـذم العرب

بيهم العـُليه تعلّت و الخصم كـع ما گرب

«لحدود اخوانچ يم شيله»

كلمن ابذنبه ايتحاسب و آنه ذنبي اتحمله

و الوطن لو طلب روحي بيدي اقدمها اله

من محبته ما اجوزن لا وحگ رب العله

«واتمنه استشهد بحدوده »

ما يعجد الساني الخوف ، الخوف ابجدمي ادوسنه

و طريق البي هلي الامجاد ساروا ما اكــع منه

ابصراحه اهلي العرب قصدي و ضدهم اضدنه

« للموت اويا عيب اتخاوه »

حشم ابصوت المعالي و اذن ابزود و عزم

و لاگي املاگه المنايا و لا تكع منها و تزم

من المنام النام اندهه خله يگعد يحتزم

«بحزام اهل العز و الغيره »

بسك بعد من النوم دلزم صارمك يحمود

و غزيه الغزاك ابزود و اطلب ثار اخوك اسعود

ابجبينه تظل رگعت عار و اسمه ايظل عليه منگود

كلمن ما طالب بحگوگه

احبن نخلت الگنطار فوگ اچتافي اشتلها

و انطرها ابعزم و ابزود عن لا خصم يدنه الها

ملك جد جدي و جدي و حالف قسم حاصاها

ما خلي الغربه ايضوگونه

اليريد ام المعالي عيب يرضي ينسبگ

و تضحيه اتريد القضيه مو فقط بس بل لبگ

خلنا آن وياك خلنا يبن عمي ننطبگ

و نغير اعله العالوا بينه

الرجل ينعرف بالمعروف ما ينعرف بفلوسه

و هوسه التنشره و تنباع ابد ما تنحسب هوسه

الم گدها ابصريچ الماو تضل تترادم اضروسه

و الگدها ايعيد بالضيجه

الفخر مو لليحد السيف الفخر لچفوف التشيله

و توگف للاسم حراس عن لا بي تمر عيله

هاي اطباع اهالينه گبل هلهولت ام شيله

تفزع لو شافت عياله

يا وفي اببارود عزمك كحل اعيون القيم

و حني اچفوف المبادئ بالدم و عنز الشيم

خاطر اسمك يظل شوكت بحر بعيون العيم

عندك اهلك تاج اله الهامه

صرت بحر بعيون خصمي و كلها شافتني

و علي من حاطت الايام صدگ عيب ذلتني

گبل چان الحرب بسیوف ، خیل و درع و رماح

و هسه القلم بلساحه طلع اقوه جمیع اسلاح

بی تگدر تنول احگوگ صدگنی ابگلب مرتاح

و توعی النایم من نومه

المجد بهل المجد ولجود لیفوگ ارتفع صیتة

بید الجهل ذل و نهان کلمن حاط الحیتة

الما یتوعة من اینام صدگ ینغزی بیتة

و دوس احدوده العیاله