قصيدة محبوبة /الدكتور عباس الطائي
كتبهاناصر الفهد ، في 30 أكتوبر 2007 الساعة: 22:29 م
الدكتور عباس الطائی
كتبت بتاريخ : 1982 م
الگلب غیـــّم وما یمطــر یمحبوبه
اشما ینگل جدم تتباعد ادروبه
آتعبت من چلمة المگدر
اسهرت یمته الفجر ینطر
واذا طیفچ علیه ما مر
خفت عاذل لفاچ ابشر
خفت من العیون اتنام
ویضل خالی المنطر
وتضل بس الذیاب اتعوص مچلوبه
الگلب غیـــّم وما یمطــر یمحبوبه
اشما ینگل جدم تتباعد ادروبه
***
خفت من العذیبی ایمشج اخدودچ
خفت من النسیم ایذبل اورودچ
خفت من الگصیبه اتململ ازنودچ
خفت من الذیاب اتزاحم احدودچ
ونفز من نومنه ونلگاچ مسلوبه
سکرنه ابریحت ازلوفچ
اونمنه ابدگت اچفوفچ
وغفینه ابنغمة احروفچ
ولا ناطور بات ابصدر مشحوفچ
سفینه احنه چبیره وحیف منخوبه
الگلب غیـــّم وما یمطــر یمحبوبه
اشما ینگل جدم تتباعد ادروبه
***
وخطفوچ اعلی متن الخیل
وانه اصرخ واصیح الویل
وین الزلم
وین الما تهاب اللیل
ماواحد فزع
وایفرغ ازلوفچ یمنهوبه
محبوبه راحت
والدمع جرح اخدود الدیره
ثار الطلب ضل بلگلب
مدفون وآثر غیره
ثاری الجرح یولد جرح
للما عرف تدبیره
والریشه من اجناحهه
لاکن تصیب الطیره
خصمک حکیمک یا گلب
والعله ماهی ازغیره
دورلک العلتک دوا
ولا تضل هیچی ابحیره
خبر هلک
روح العمامک والسلف
بلچن تجد واحد نشم
وایشیله عرج الغیره
ما ضاع حگ وما قدر
للی یشد احزامه ویذهب ورا مطلوبه
الگلب غیـــّم وما یمطــر یمحبوبه
اشما ینگل جدم تتباعد ادروبه
***
یلطولچ انخیله نهر
کارون یجری ابراگچ
شوفی الگمر ناگص ضوه
دینیه ضوه
من ساگچ
جدمچ ذهب صافی جری
اعلی الگاع
یاهو الضاگچ
شعرچ سنابل من ذهب مدفون
بین ازياگچ
سنبل حمر طگه الهوی
زلفچ علی الرگبه التوی
وبین من ابعید الضوه
وشفنه اعلی نحرچ
بستان توه استوه
یاعین زمزم بلصیف
من عذب مای اریاگچ
یاهو ارتوه
الحسرات سهمی والالم
من شوفتچ گ لبی انحرم
یلماسگیتینی ابدوه
ضلیت احن لفراگچ
المن صفه ذاک الحسن
حملت بلشوگ السفن
ضعنچ علی وین انتوه
یاریتنی ریشه چنت
چا طرت ویه انیاگچ
ولو چان عندی من الزلم
صلحین میه اعلی الگلب
فرغتچ من البا گ چ
***
ضل النهر یجری ابحزن
یتعاتب اویه اجرافه
ویناجل اوراق الشجر
خایف من الصفصافه
یاریت یاخذنه الهوی
ریشه اعلی متن اچتافه
لاکن ثگل بینه الحمل
کلمن توگه الحافه
وحتی الگمر حایر وگف
یضحک علی الوگافه
آیس ولف راسه ومشه
من شاف محد شافه
ومن عادته نور الگمر
ما یرغب الخوافه
والرمح ما ینگل جدم
ویه الیخاف اطرافه
اگراب الوکت مل وجزع
من نوم لیل اسیافه
دینیه حفنه من الضوه
ویگطع علی الخطافه
***
محبوبه هجرانچ صبر
مر وتجرعته اسنین
صعبات ایام الهجر
نمت اعلی حد السچین
عانیت الام وتعب
واضیاع بعدچ تدرین
والعمر ضل یطوی الوکت
یمشی اعلی روج الماشین
تایه غریب ابدیرتی وانشد من المتعدین
بلچن یحن واحد علیه
وایگللی محبوبک وین
غرگان بلشاطی اصبحت
والمای حدالساگین
والناس تمشی اعلی الجرف
اشباح مثل المیتین
محد یمد ایده علیه
ممنوع مس العدلین
ممنوع ویای الحچی
وممنوع تنظر بالعین
***
محبوبه باعونی هلی دلو علیچ
الحرمان
محبوبه راحت والدمع غرگ ابیوت
السکان
ماتت عصافیر الهوی الچانت تغنی
الالحان
اوذیچ البساتین اصبحت مسکن البوم
وغربان
وذیچ البلابل هاجرت گامت تحن
بلخربان
والعطر راح من الورد محد یشم
الریحان
والنخل ما طلع بعد ما دث علیه
امریخان
والشوک خضر بلگلب واختنگ ورد
البستان
الراکوب شلاع النخل گالوهه اهلنه
ـــــــــــــــــــــــــــــــــــــــــــــــــــــــــ
التصنيفات : غير مصنف | السمات:قصيدة محبوبة /الدكتور عباس الطائي
أرسل الإدراج | دوّن الإدراج
