فراق الحبايب /علي الطرفي
كتبهاناصر الفهد ، في 5 أكتوبر 2007 الساعة: 23:44 م
*علي الطرفي من مواليد 1974 بدأ بکتابة الشعرمنذ عام 1990 وذلک بکتابة الابوذيات والدارمي من الابوذيات القديمة ومن اول کتاباته للشعر
وحگ الواحد اللي شرک لاله
بغيابک والدمع بالعين لاله
اشمريد انساک گلبي ايصيح لاله
وغيابک والبعد اثر عليه
وکتب الکثير من الاناشيد في زمن الانفتاح في الساحة ومن اهمها صوت الحجارة الذي ادته فرقةالشروق في تلک الاونه اناشيد ايضا دارمي قديم ومن اول الدارميات
ابيض شعر بالراس لاماني شايب
کل ماجره وماصار فرگه الحبايب
وايضا نشيد وگفة زلمنا الذي ادتها نفس الفرقه ونشيد الحگ ماضاع کنت من اول الشعرا الذي کتب للفنان عباس الاسحاقي الاغنيه الحماسيه والوطنيه ومن اهم الاغاني کانت اغنيه اهوازي ولبسي
الچفيه
وهي اول اغنيه غناها عباس في بداية الحرکه الثقافيه في
والاناکتب لک کل الاغاني الذي غناها عباس وکانت من کلماته واشتهر بها من خلاله دون ان يذکر اسم الشاعر منها
موکلمن رکب عالشگره خيال
و موکلمن لبسله عقال هيبه
الفخر للشال صخره وبيده محچال
وطرد من گاعه کل ناس الغريبه
*أنوه ان المعلومات المذكورة أعلاه جاءت من الشاعر
قصیدة انتصار
صاحوا..المجنون اجانه..ابیوم شافونی الصغار
اشگف ابیاچف صخرهم..لالی یمنه اولایسار
حایر الیاصوب اروحن واحمی جسمی من الحجار
والله..ملتنی الشوارع والازقه وکل محطات القطار
المن اشکی الحال.. المن.؟ باین ابوجهی الصفار
وحیل تعبنی زمانی وحاصرانی اصعب حصار
صرت صحرا او..بر چبیر اودوم اتمنا الخضار
آنه صوره من التراث..القاومت من دون اطار
وآنه تیجان الملوک او فخر عد ناس الکبار
او ذوله ناس الحصلونی ابراحه وبلعبة اقمار
او ذوله ناس الحصلونی ابراحه وبلعبة اقمار
کترونی ابدار ظلمه..ویمی بس یوجد الفار
صبری یاروحی الحزینه..شلچ غیر الانتظار؟
المایعرفک مایثمنک…دل علی هذا الشعار
ویامه ناس اشکثر قبلی اتحطمو بعد الوقار
صبری یا روحی الحزینه ..شلچ غیر الانتظار
چنت اسولف ویه نفسی..او مشوا من یمی الصغار
وخلصت ثلثین وکتی او لف لف اچواله النهار
وگمت اجر ابنفسی گوه..اوضیعت معنی القرار
بیدی گمت انکت قمیصی..وگمت ازرن بالزرار
وگلت خل امشی الحبیبی ..الحبه دمرنی دمار
او من وصلت احذال بیته گلبی مثل الطیر طار
او من دعست الجرس بیدی..فتحت الباب انتصار
اتفاجئت یوم الشفته..ابهل جمال وهل عمار
استغربت کحلت جفنها او لون خدها والسمار
اتوقعت تنشدنی هیه امنین اجالک ها لغیار
وچنت اظنن من بعد فترة تباعد للصبح بیناتنا ایطول الحوار
ولنها ..ماکملت فرحتی..او سدت الباب انتصار
وطلعت الچلمات منها ابکل صلابه واقتدار
وچن انا چتال ابوها وضلت اداعیله ثار
گالت ..ابعد ماارید ک ..ما له معنه العشگ عندی وبس مجرد اختبار
ـــــــــــــــــــــــــــــــــــــــــــــــــــــــــ
التصنيفات : اسماء الشعراء, علي الطرفي | السمات:اسماء الشعراء, علي الطرفي
أرسل الإدراج | دوّن الإدراج
