شعر عباس علی حزباوی
كتبهاناصر الفهد ، في 30 مارس 2009 الساعة: 00:25 ص
شعر عباس علی حزباوی
یلّی اِنکتب عهد العیشیگ ما بینچ و ما بینی
ما بین زلفچ و الفَرگ ماشَت شَعَر شِیلِینی
مِن یوم ما اظعونچ سَرَن و النوم حارب للجِفِن
و اعیونی کل لیلی اسهرن و دموعی دمَّ لجلچ جرن
و اجفونی ما طّبها الوسَن و اطیافچ اتنادینی
ما بین زلفچ و الفرگ ماشت شعر شیلینی
یلّی ابهواچ اتعذّبت و ابسهم فرگاچ اِنصِبِت
مهمه ابعدت مهما غبت مهمه اتعبت مهمه شِبِت
چذّاب الیگلچ تِبِت عن حُبّچ السابینی
ما بین زلفچ و الفرگ ماشت شعر شیلینی
یلمثل حسنچ ما یصّح بُعدچ کِسَّر مِنّی الجِنِح
هجرچ طعن گلبي ابرمح و آنه ابغرامچ منذبح
یا حلو یا نجمت صبح یلشوفتچ تحیینی
ما بین زلفچ و الفرگ ماشت شعر شیلینی
یا تَرفَه یا شدت ورد یلطلعتچ تضوی العگد
ایگولون بیه ذِلّه النَشِد انشدچ من هذا البُعِد
شنهو مرامچ و الگصد یلبلهجر ترمینی
ما بین زلفچ و الفرگ ماشت شعر شیلینی
یلمجنتچ لیرت ذهب یلشفتچ شبه الرطب
بمحبتچ شفت العجب اعتب و لا هزچ عتب
فدوه لچ عمری و العتب حنی علی رحمینی
ما بین زلفچ و الفرگ ماشت شعر شیلینی
یا بَسمَه یا طَّرَت فجر یا نَسمَه لَو هَبّت عَصُر
یا رَیت أصیرَن لچ عُطُر لزلوفچ الحلوه الشُگُر
لِخدودچ و فوگ الصدر صبح و مسه اترشّیني
ما بین زلفچ و الَفرگ ماشَت شَعَر شیلیني
****
ـــــــــــــــــــــــــــــــــــــــــــــــــــــــــ
التصنيفات : غير مصنف | السمات:عباس علی حزباوی
أرسل الإدراج | دوّن الإدراج
